काठमाडौं । हिमालयन शेर्पालाई हराउँदै संकटा क्लब सहिद स्मारक ए डिभिजन लिगको छैटौं स्थानमा उक्लेको छ ।
आइतबार दशरथ रंगशालामा भएको खेलमा संकटाले शेर्पालाई १-० ले पराजित गरेको हो । संकटाको लागि विदेशी खेलाडी अजयी मार्टिन्सले क्षितिज जिसीको पासमा २१ औं मिनेटमा गोल गरे ।
जितपछि १० खेलबाट १५ अंक जोड्दै संकटा छैटौं स्थानमा उक्लिएको छ । पराजित भएपछि हिमालयन शेर्पालाई भने रेलिगेसनको दबाब बढेको छ । शेर्पाको १० खेलबाट ७ अंक मात्र छ र १२ औं स्थानमा छ ।
