२७ माघ, पोखरा । पोखरास्थित सेती नदीको खोचमा खसेर अड्किएका एक युवकलाई सोमबार प्रहरीले उद्धार गरेको छ ।
सेतीको खोँचमा खसेका म्याग्दी घर भई हाल कास्की पोखरा बस्ने २३ वर्षीय आकाश गुरुङलाई गण्डकी प्रदेश सशस्त्र प्रहरी गण पोखराको उद्दार समूह र वडा प्रहरी कार्यालय वैदामको टोलीले उद्धार गरेको हो ।
पोखरा महानगरपालिका-९ पार्वती टोलस्थित सेती नदीको खोचमा आफ्नो कुकुर अड्किएपछि उक्त कुकुरलाई बचाउन लाग्दा गुरुङ खोचमा खसेका प्रहरीले जनाएको छ ।
उद्धार गरिएका गुरुङको अवस्था समान्य रहेको गण्डकी प्रदेश प्रहरी कार्यालय पोखराले जनाएको छ ।
