१९ फागुन, काठमाडौं । एनआइसी एशिय बैंककले मुद्दती खातामा उच्च ब्याजदर सँगै २१ लाख रूपैयाँसम्मको बीमा सुविधा दिदै आएको छ। यो मुद्दती निक्षेप खातामा एनआइसी एशिया बैंकले न्यू सुपर चमत्कारिक मुद्दती निक्षेप खाता खोलेको आधारमा बीमा सुविधा पनि थप गरेको हो।
बैंकको व्याक्तिगत मुद्दती खातामा ग्राहकको लागि तीन किसिमका बीमा सुविधा दिएको छ। बैंकले न्यू सुपर चमत्कारिक मुद्दती निक्षेप खाता मार्फत जीवनका अकल्पनीय जोखिमको भरपाई गर्न २१ लाख रुपैयाँसम्मको चमत्कारिक बीमा सुविधा दिएको छ।
खातावालाको दुर्घटनाबाट मृत्यु भएमा वा पूर्ण रुपमा अशक्त भएमा १० लाख रूपैयाँसम्मको बीमा सुविधा दिइएको छ। यस्तै, १८ घातक रोगहरुको लागि १० लाख रूपैयाँसम्म र १ लाख रूपैयाँसम्मको औषधि उपचार बीमा सुविधा पाउने बैंकले बताएको छ।
ग्राहकले बहिरंग उपचार गर्नु परेमा २० हजार रुपैयाँ सम्मको सुविधा लिन सक्नेछन्। यो २० हजारले डाक्टरको शूलक, ल्याब टेष्ट, औषधि लगायतका काममा खर्च गर्न सकिनेछ।
ग्राहक विरामी भइ अस्पतालमै भर्ना हुनुपर्ने अवस्था आएमा बैंकले ८० हजार रुपैयाँसम्म बीमाबाटै खर्च गर्न सकिनेछ। बैंकले ल्याएको विभिन्न निक्षेप योजनामा हालसम्म १ सय २ जना ग्राहकले यो सुविधाबाट ६० लाख भन्दा बढीको बीमा रकम प्राप्त गरिसकेको छ।
यस्तो सुविधा सर्वोत्कृष्ट मुद्दती योजना रहेकोले आफ्ना ग्राहकवर्गहरुको लागि निकै फाइदा पुग्ने बैंकले विश्वास लिएको छ। २१ लाखसम्मको बीमा सर्वसाधारण आफैले गर्नु परेमा करिब १४ हजार रुपैयाँ बीमा शूलक तिर्नुपर्ने हुन्छ।
तर, यस योजना अन्तर्गत बैंक स्वयंले उक्त बीमा सुविधा बापत लाग्ने बीमा शूल्क सम्झौता गरको एभरेष्ट इन्स्योरेन्स कम्पनीलाई बैंकले सम्झौता गरे अनुरुप भुक्तानी गरिदिन्छ। जसले गर्दा ग्राहकले कुनैपनि अतिरिक्त शूलक खर्च नगरी १४ हजार रुपैयाँको सेवा लिन सक्नेछन्।
न्यूनतम १ लाख वा सो भन्दा बढीको मुद्दती निक्षेप खातामा भने १२ लाख ५० हजार रूपैयाँसम्म बीमा सुविधा प्राप्त गर्नसक्ने बैंकले बताएको छ। ग्राहकले न्यू सुपर चमत्कारिक मुद्दती निक्षेप खाता खोलेकै आधारमा यी फाइदा लिन सक्नेछन्।
न्यूनतम निक्षेप रकम | बीमा सुविधा | ब्याजदर |
१ लाख वा सो भन्दा बढी | १२ लाख ५० हजार बीमा सुविधा | ९.७५% |
१० लाख वा सो भन्दा बढी | २१ लाख बीमा सुविधा | ९.७५% |
२५ लाख वा सो भन्दा बढी | २१ लाख बीमा सुविधा | ९.७५% |