२८ असार, वीरगञ्ज । लागुऔषध मुद्धामा पक्राउ परेकालाई छुटाइदिन्छु भनेर रकम मोलमोलाइ गरेको आरोपमा प्रहरीले बाराका पत्रकार भैयाराम साहलाई पक्राउ गरेको छ ।
जिल्ला प्रहरी कार्यालय बाराका प्रमुख प्रहरी उपरीक्षक कृष्ण पंगेनीका मुद्धा मिलाइदिने भन्दै अभियुक्तसँग पैसाको बार्गेनिङ गरेकोले साहलाई पक्राउ गरिएको जानकारी दिए ।
‘गाजा मुद्धा मिलाइदिन्छु भनेर पैसाको बार्गेनिङ गर्दा रहेछन् । त्यसै विषयमा अनुसन्धानका लागि पक्राउ गरेका हौं’ उनले भने ‘हिरासतमा राखेर कानुनी कारबाही प्रक्रिया अघि बढाएका छौं ।’
उनीविरुद्ध अभद्र व्यवहार मुद्धा दर्ता गरेर कारबाही प्रक्रिया शुरु गरिसकिएको प्रहरीले जनाएको छ । साहलाई बारा जिल्ला अदालतले अनुसन्धानका लागि १० दिन हिरासतमा राख्ने अनुमति दिएको छ । अभियुक्तसँग बार्गेनिङ गरेको अडियो प्रहरीले फेला पारेको जिल्ला प्रहरी कार्यालय बाराका प्रवक्ता डीएसपी गौतम मिश्रले जानकारी दिए ।
नेपाल पत्रकार महासंघ बारा शाखा अध्यक्ष कमल कुमार उपाध्यायले पक्राउ पर्नुको कारण बुझेर आधिकारिक धारणा सार्वजनिक गर्ने बताए ।
‘किन पक्राउ गरेको हो जानकारी आउन सकेको छैन । त्यसबारेमा बुझ्दैछु’ अध्यक्ष उपाध्यायले भने ‘पत्रकारिताका विषयलाई लिएर प्रहरी हस्तक्षेप भए अस्वीकार्य हुन्छ तर व्यक्तिगत लेनदेनका कुरा रहेछन् भने महासंघले केही गर्न मिल्दैन ।’
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4