कैलाली । सुदूरपश्चिम प्रदेशसभा सदस्य अम्बिकुमारी थापा मोटरसाइकल दुर्घटनामा घाइते भएकी छिन् ।
कैलालीको धनगढीबाट जुगेडातर्फ जाँदै गर्दा पछाडीबाट आएको मोटरसाइकलले ठक्कर दिएपछि उनी घाइते भएको जिल्ला प्रहरी कार्यालय कैलालीले जनाएको छ । उनको टाउकोमा चोट लागेको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक प्रतिक बिष्टले बताए ।
उनले धनगढीस्थित मायामेट्रो अस्पतालमा उपचार भइरहेको छ । `उहाँलाई थप उपचारका लागि काठमाडौं लैजाने तयारी भइरहेको छ´ बिष्टले भने ।
अछाम घर भएकी थापा नेपाली कांग्रेसबाट समानुपातिक सांसद हुन् । थापालाई ठक्कर दिने मोटरसाइकल चालक भने फरार छन् ।