२१ साउन, काठमाडौं । चितवनको इच्छाकामना गाउँपालिका-६ जलबिरेमा झरनामा नुहाउने क्रममा बेपत्ता भएका एक युवकको शव भेटिएको छ ।
बुधबार दिउँसो सवा ३ बजे झरनाको दहमा बेपत्ता भएका ईच्छाकामना गाउँपालिका – ४ स्याकल्याङका २० वर्षका अभिषेक मगरलाई कुरिनटारस्थित सशस्त्र प्रहरी बलको नेपाल विपद् व्यवस्थापन तालिम शिक्षालयको टोलीले मृत अवस्थामा फेला पारेको हो ।
अभिषेक स्थानीय विष्णु मगरसँगै झरनामा नुहाउन गएका थिए । त्यस क्रममा अभिषेक बेपत्ता भएपछि इलाका प्रहरी कार्यालय मुग्लिनले सशस्त्र प्रहरी बलको विपद व्यवस्थापन तालिम शिक्षालयमा खबर गरेको थियो ।
सशस्त्र प्रहरी निरीक्षक ईश्वर अधिकारीसहितको उद्धारक तथा १३ जनाको गोताखोर टोलीले खोजतलास गर्दा साढे ४ बजे अभिषेक मृत अवस्थामा फेला पारेको शिक्षालयबाट समादेशक सशस्त्र प्रहरी वरिष्ठ उपरीक्षक कालीदास धौबजीले जानकारी दिए । अप्ठेरो दहमा जोखिम मोलेर शवको खोजी गरेको उनले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4