२०७७ साउन २६ गते २०:३० 
२६ साउन, काठमाडौं । इन्डियन प्रिमियर लिग (आईपीएल) को यस संस्करण युएईमा गर्न भारत सरकारले अनुमति दिएको छ ।
कोरोना भाइरस महामारीले गर्दा भारतमा आईपीएल आयोजना गर्न अवस्था नभएपछि भारतीय क्रिकेट कन्ट्रोल बोर्ड बीसीसीआईले युएईमा प्रतियोगिता गर्न अनुमति माग्दै त्यहाँको क्रिकेट बोर्डलाई पत्र लेखेको थियो ।
भारतीय सरकारले पनि युएईमा आइपीएलको १३ औं संस्करण गर्न अनुमति दिएको हो । आईपीएल गभर्निङ काउन्सिलका अध्यक्ष ब्रिजेश पटेलले आईपीएलबारे यस विकसित घटनाको बारेमा पुष्टि गरेको ईसपीएनक्रिकइन्फोले जनाएको छ ।
बीसीसीआईले सैद्धान्तिक रुपमा अनुमति पाएपनि लिखित रुपमा अनुमति पाउन बाँकी छ । त्यसपछि एमिरेट्स क्रिकेट बोर्डसंग सम्झौता हुने जनाएको छ । पटेलले यही मिति नभनेपनि भारतीय सकारले यस हप्ताभित्र लिखित अनुमति दिने क्रिकइन्फोले जनाएको छ ।
प्रतिक्रिया 4