२३ भदौ, जनकपुरधाम । प्रदेश २ का मुख्यमन्त्री लालबाबु राउतले प्रदेशका अस्पतालले दिने स्वास्थ्य सेवा सुधार गर्नुपर्ने बताएका छन् ।
मंगलबार प्रदेशका विभिन्न अस्पतालका मेडिकल सुपरिटेन्डेन्टसँगको छलफलमा मुख्यमन्त्री राउतले प्रदेशमा स्वास्थ्य संस्थाहरुको अवस्था विगतदेखि नै दयनीय रहेको भन्दै कोरोना महामारीको समयमा त झन् समस्या देखिएको बताए ।
उनले गत आर्थिक वर्षमा प्रदेश सरकारले अस्पतालको सुधारका लागि पठाएको रकम सदुपयोग हुन नसकेको पनि गुनासो गरे । मुख्यमन्त्री राउतले कोरोना महामारीको समयमा स्वास्थ्य संस्था सुधारको अवसर भएको पनि बताए ।
