३१ भदौ, काठमाडौं । नेटवर्किङ व्यवसायसम्बन्धी प्रतिवेदनमाथिको छलफल गर्न बोलाइएको संसदको उद्योग तथा वाणिज्य र श्रम तथा उपभोक्ता हित समितिको बैठक गणपूरक संख्या (कोरम) नपुगेर स्थगित भएको छ ।
बिहान साढे ११ बजे बोलाइएको बैठकमा सवा १२ बजेसम्म ६/७ जना मात्रै उपस्थित थिए । ‘कोरम नपुगेपछि आजको बैठक स्थगित गरियोे’ समिति सभापति बिमल श्रीवास्तवले भने ।
समितिमा २१ जना सदस्य छन् । कोरमका लागि ५१ प्रतिशत अर्थात ११ जना चाहिन्छ ।
वस्तुको प्रत्यक्ष बिक्रीको नाममा नेटवर्किङ बिजनेस सुरु भएको भनेर ब्यापक आलोचना भएपछि समितिले गत साउन १५ गते पाँच सदस्यीय ‘नेटवर्किङ व्यावसाय अध्ययन उपसमिति’ गठन गरेको थियो ।
उपसमितिले मूल समितिलाई प्रतिवेदन बुझाइसकेको छ र समिति सदस्यहरुलाई वितरण गरिएको छ ।
सत्तारुढ दल नेपाल कम्युनिस्ट पार्टी (नेकपा) का सांसद सोमप्रसाद पाण्डे नेतृत्वको उपसमितिले ऐनको कमजोरी सच्याएर पिरामिड शैलीको नेटवर्किङ व्यवसाय गर्न नदिने गरी कदम चाल्न सिफारिस गरेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4