१ असोज, काठमाडौं । रुसमा कोरोना भाइरस (कोभिड–१९) संक्रमणबाट मृत्यु हुनेको संख्या १९ हजार नाघेको छ । रुसको कोरोनाभाइरस क्राइसिस रेस्पोन्स सेन्टरले दिएको जानकारी अनुसार अहिलेसम्म रुसमा कोरोना भाइरसका कारण मृत्यु हुनेको संख्या १९ हजार ६१ पुगेको छ । पछिल्लो २४ घण्टामा मात्र रुसमा कोरोना भाइरसका कारण १४४ जनाको मृत्यु भएको हो ।
त्यस्तै रुसमा कोरोना भाइरसबाट संक्रमित हुने मानिसको संख्या पनि १० लाख ८५ हजार २८१ पुगेको छ । पछिल्लो २४ घण्टामा मात्र रुसमा कोरोना भाइरसका पाँच हजार ७६२ नयाँ संक्रमित थपिएका छन् । संक्रमित संख्याको आधारमा रुस कोरोना भाइरसबाट सबैभन्दा प्रभावित हुने चौथो मुलुक हो । अहिलेसम्म अमेरिका, भारत, ब्राजिल र रुसमा मात्र १० लाखभन्दा धेरै कोरोना भाइरसका संक्रमित फेला परेका छन् ।
स्रोत : रोयटर्स
