२०७७ पुष १२ गते १७:३२ 
१२ पुस, काठमाडौं । कार्यवाहक कप्तान अजिन्का रहानेले शतक प्रहार गरेपछि भारतले अस्ट्रेलियाविरुद्ध दोस्रो टेष्टको दोस्रो दिनको समाप्तीमा ८२ रनको अग्रता बनाएको छ ।
३६/१ बाट दोस्रो दिनको खेल अघि बढाएको भारतले दिनको समाप्तीमा ५ विकेट गुमाएर २७७ रन बनाएको छ । अस्ट्रेलिया पहिलो इनिङ्समा १९५ रनमै अलआउट भएको थियो ।
रहानेले २०० बल खेल्दै १२ चौका मद्दतमा १०४ रन बनाएर अविजित रहेका छन् । उनले छैटौं विकेटका लागि रविन्द्र जडेजासंग शतकीय साझेदारी गरे । जडेजा ४० रनमा अविजित छन् । यस्तै ओपनर शुभमन गिलले ४५, विकेटकिपर ऋषभ पन्तले २९, हनुमा विहारीले २१ र चेतेश्वर पुजाराले १७ रन बनाए ।
अस्ट्रेलियाका मिचेल स्टार्क र प्याट कमिङ्सले २-२ तथा नाथन लियोनले १ विकेट लिए ।
प्रतिक्रिया 4