२८ पुस, काठमाडौं । लामो समयदेखि ठप्प रहेको पर्यटन गतिविधि क्रमशः चलायमान हुने अवस्था छ । यसै क्रममा पर्वतारोहणमा समेत आरोहण अनुमति बढेको छ ।
संस्कृति, पर्यटन तथा नागरिक उड्डयन मन्त्रालय, पर्यटन विभागका अनुसार आइतबारसम्म हिउँदे याममा हिमाल चढ्न कुल ९ टोलीले आरोहण अनुमति लिएका छन् ।
९ टोलीका ४३ जना आरोहीले यस सिजनका लागि आरोहण अनुमति लिएका हुन् । त्यसमध्ये सबैभन्दा धेरै मनास्लु (८१६३ मि.) आरोहणका लागि जाँदैछन् ।
उक्त हिमालका लागि दुई टोलीका १६ आरोहीले अनुमति लिएको पर्यटन विभागले जनाएको छ । थापा पिक (६०१२मि) हिमाल आरोहण गर्न एक टोलीका ११ जनाले अनुमति लिएका छन् । अमादब्लमका चढ्न दुई टोलीका ८ सदस्य जाने भएका छन् ।
लुजा पिकमा ३, क्याङ्गु रीमा १, सुर्मा सरोवरमा २ र रोकापीमा २ जना चढ्ने गरी आरोहण अनुमति जारी भएको विभागले जनाएको छ । अहिले सम्म विभागले आरोहण अनुमतिवापत ८ लाख ७९ हजार रुपैयाँ रोयल्टी संकलन गरिसकेको छ । हिउँदे सिजन सगरमाथा आरोहणमा जानु अगाडि तयारी गर्ने सिजन मानिन्छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4