अष्ट्रेलियामा रहेका गायक समिर आचार्यका केही गीतहरुले दर्शकको मन जितेका छन् । ‘दुनिया बेग्लै छ, घाममा सुकाइदेउ’ लगायतका हिट गीतका गायकले फेरि दर्शक तथा श्रोतामाझ नयाँ गीत ‘झम्के माया’ बोलको गीत सार्वजनिक गरेका छन् । यो गीतमा समिरलाई गायिका अन्जु पन्तले साथ दिएकी छिन् ।
गीतमा एकनारायण भण्डारीको शब्द, आशिष अविरलको संगीत छ । सार्वजनिक गीतको भिडियोमा नायिका स्वस्तिमा खड्का र मोडल राहुल शाहको नृत्य हेर्न सकिन्छ । स्वस्तिमा र राहुलको नृत्यले दर्शकको मन जित्न सक्छ ।
भिडियोलाई राहुल शाहले कोरियोग्राफी तथा निर्देशन गरेका हुन् । भिडियोमा मनोज बस्नेतको लगानी छ । यो गीतको भिडियोमा पवन सुस्लिङको छायांकन, सुप्रिम पराजुलीको सम्पादन छ ।
