२५ माघ, काठमाडौं । बैतडीको दोगडाकेदार गाउँपालिका-७ की १७ वर्षीय भागरथी भट्टका हत्यारालाई पक्राउ गरी कारबाही गर्न नेपाल विद्यार्थी संघ (नेविसंघ)ले माग गरेको छ ।
नेविसंघका अध्यक्ष राजीव ढुंगानाले विज्ञप्ति जारी गरी घटनामा संलग्न व्यक्तिको पहिचान गरी कारबाही गर्न माग गरेका हुन् ।
सरकारले नै अपराधीको संरक्षण गरेकोले हत्यारा र बलात्कारका घटना दोहोरिएको आरोप लगाउँदै नेविसंघले निर्मला पन्त प्रकरण दोहोरिन नदिन सरकारको ध्यानाकर्षण गराएको छ ।
गत बुधबार विद्यालयबाट घरतर्फ हिँडेकी भट्ट बिहीबार विभत्स अवस्थामा बाटोमै मृत भेटिएकी थिइन् ।
प्रहरीले घटनाको अनुसन्धान सुरु गरेको छ।
यो पनि पढ्नुहोस
निर्मला पन्त हत्या प्रकरण सम्झाउने बैतडीको विभत्स घटना
