Comments Add Comment

बहुविवाह मुद्दाका फरार प्रतिवादी ४ वर्षपछि पक्राउ

प्रतीकात्मक तस्वीर

१० फागुन, गुल्मी । गुल्मीमा बहुविवाह मुद्दाका फरार एक प्रतिवादी चार वर्षपछि पक्राउ परेका छन् । पक्राउ पर्नेमा गुल्मी दरवार गाउँपालिका- २ का गणेश भन्ने हुतराज गौतम रहेका छन् ।

गौतमलाई बहुविवाह मुद्दामा जिल्ला अदालत गुल्मीले ०७३ वैशाख १२ गते ११ महिना ८ दिन कैद सजाय सुनाएको थियो ।

लुकिछिपी बसेको अवस्थामा गौतमलाई पक्राउ गरेर अदालत बुझाइएको जिल्ला प्रहरी कार्यालय गुल्मीका प्रहरी उपरीक्षक (एसपी) प्रविणलाल श्रेष्ठले जानकारी दिए ।

प्रहरीका अनुसार गौतमले पहिलो बिहे ०७१ र दोर्सो बिहे ०७३ सालमा गरेका थिए ।

त्यस्तै प्रहरीले लागूऔषध मुद्दाको फरार एकजना प्रतिवादीलाई पनि पक्राउ गरेको छ । पक्राउ पर्नेमा चन्द्रकोट गाँउपालिका–७ स्थित डाँडा पोखरा बस्ने ३५ वर्षीय दिलबहादुर परियार रहेका छन् । अदालतले गौतमलाई लागूऔषध मुद्दामा ४ महिना २९ दिन कैद सजाय सुनाएको थियो ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment