१७ फागुन, काठमाडौं । सातदोबाटो युथ क्लबले शहीद स्मारक बी डिभिजन लिगमा अपराजित यात्रा कायम राखेको छ ।
लिग अन्तर्गत सोमबार भएको खेलमा शीर्ष स्थानको सातदोबाटोले श्री भगवती युथ क्लबलाई १-० ले पराजित गरेको हो ।
सातदोबाटोका लागि दोर्जे तामाङले खेलको एक मात्र गोल गरे । दोर्जेले २५औं मिनेटमा प्राप्त पेनाल्टीमा गोल गरे । श्री भगवतीका लक्ष्मण जिसीले पेनाल्टी एरिया बल ह्याण्ड गरेपछि सातदोबाटोले पेनाल्टी पाएको हो र त्यमसा दोर्जेले गोल गरे ।
यस जितपछि सातदोबाटोले अपराजित यात्रालाई ८ खेलसम्म लम्ब्याएको छ । ८ खेलबाट ७ जित र १ बराबरीको नतिजासहित सातदोबाटोले २२ अंक जोडेको छ र दोस्रो स्थानको खुमलटार युथ क्लबमाथि ३ अंकको अग्रता बनाएको छ ।
८ खेलबाट १९ अंकसहित खुमलटार दोस्रो स्थानमा छ । श्री भगवती ८ खेलबाट ६ अंकसहित नवौं स्थानमा छ ।
