हसिनाद्वारा दक्षिण एसियाली नेतालाई मिलेर काम गर्न आग्रह

१२ चैत, काठमाडौँ । बंगलादेशका प्रधानमन्त्री शेख हसिनाले दक्षिण एसियाली मुलुकका नेता र नीति निर्मातलाई एक आपसमा मिलेर काम गर्न आग्रह गरेकी छन् ।

ढाकामा भएको एक कार्यक्रमलाई सम्बोधन गदै हसिनाले दक्षिण एसियाली मुलुकका नेता र नीति निर्माताले आपसी सहकार्य गरेमा यस क्षेत्रका जनताले जीवन स्तरमा सुधार ल्याउन सकिने बताइन् । उनले दक्षिण एसियाली मुलुकसँग भएको स्रोतको राम्रो उपयोग गर्नुपर्ने समेत बताइन् ।

पछिल्लो दुई हप्तामा दक्षिण एसियाली मुलुकका सरकार र राज्य प्रमुखले श्रंखलावद्ध रुपमा बंगलादेशको भ्रमण गरिरहेका छन् । राष्ट्रपति विद्यादेवी भण्डारी दुई दिने राजकीय भ्रमण सम्पन्न गरेर मंगलबार फर्केकी छन् ।

अहिले भुटानका प्रधानमन्त्री बंगलादेशको भ्रमणमा छन् । भोलि भारतीय प्रधानमनत्री नरेन्द्र मोदी बंगलादेशको भ्रमणमा जाने कार्यक्रम छ । यसअघि अन्य दक्षिण एसियाली मुलुकका प्रमुखले बंगलादेशको भ्रमण गरेका थिए ।