२०७८ वैशाख २७ गते ९:३० 
२७ वैशाख, काठमाडौं । फ्रेन्च लिग वानमा साविक विजेता तथा उपाधि दाबेदार पेरिस सेन्ट जर्मेन (पीएसजी) रेन्ससँग १-१ को बराबरीमा रोकिएको छ ।
बराबरीपछि पछि पीएसजीको उपाधि रक्षा गर्ने अभियानमा धक्का लागेको छ । शीर्ष स्थानको लिले भन्दा पीएसजी ३ अंकले पछि छ ।
सुरुवाती अग्रता जोगाउन नसक्दा पीएसजीले अंक बाँड्नुपरेको हो । पहिलो हाफको इन्जुरी टाइममा नेइमारले पेनाल्टीमा गोल गर्दै पीएसजीलाई अग्रता दिलाएका थिए । तर ७० औं मिनेटमा सेह्रोउ गुइरासेले रेन्सका लागि बराबरी गोल फर्काए ।
८७ औं मिनेटमा प्रसनल किम्पेम्बेले रातो कार्ड पाएपछि पीएसजे १० खेलाडीमा रहेर खेलको अन्त्य गरेको थियो ।
बराबरीपछि दोस्रो स्थानको पीएसजीले ३६ खेलबाट ७६ अंक जोडेको छ । समान खेलबाट ७९ अंकसहित लिले शीर्ष स्थानमा छ । यस्तै मोनाको ७४ अंकसहित तेस्रो स्थानमा छ । रेन्स भने ५५ अंकसहित सातौं स्थानमा छ ।
प्रतिक्रिया 4