काठमाडौं । कोरोना भाइरस सम्बन्धी आवश्यक सूचना, जानकारी र तथ्यांक दिने गरी ‘इ–घर’ नामक मोबाइल एप्लिकेशन सञ्चालनमा ल्याइएको छ ।
७७ जिल्लाकै संक्रमणको अवस्था, एम्बुलेन्स र परामर्श दिने डाक्टरको बारेमा एपमा जानकारी राखिएको छ ।
इञ्जिनियर नारायण घिमिरेका अनुसार एप्लिकेशनमा ब्लड बैंक र अक्सिजनबारे जानकारी पनि समेटिएको छ । सुनमराज पाण्डेसहितको समूहले कोभिडको दोस्रो लहरको संक्रमण बढेसँगै कोभिड हेल्पलाइनको रुपमा एप्लिकेशन तयार गरेको घिमिरेले बताए ।
ई–घरले आफ्नो लोकेशनको नजिक भएका टेकअवे सेवा दिने व्यवसायीलाई पनि अनलाइन सोरुम निर्माण गरेर भिडभाडरहित व्यापार प्रोत्साहन गर्ने उनले बताए । रेष्टुरेन्ट, कपाल काट्ने सुविधा, पसल र इन्धनसहित १५० प्रकारका व्यवसायका जानकारी पनि एपमा छन् ।
गुगल प्लेस्टोरबाट एप डाउनलोड गर्न सकिने घिमिरेको भनाइ छ ।
