२०७८ जेठ १९ गते ५:४६ 
१९ जेठ, काठमाडौं । नेदरल्याण्ड्सका गोलकिपर ज्यास्पर सिलेसनले आगामी जुनदेखि सुरु हुने युरोकप गुमाउने भएका छन् ।
कोरोना पोजेटिभ भएपछि सिलेसन नेदरल्याण्ड्सको युरोकप टोलीबाट बाहिरिएका हुन् । यसअघि नै नेदरल्याण्ड्सले सिलेसनसहित २६ सदस्यीय अन्तिम टोली घोषणा गरिसकेको थियो । तर कोरोना संक्रमणका कारण सिलेसन अब युरोकप २०२० मा देखिने छैनन् ।
डच फुटबल संघले सिलेसनले युरोकप गुमाउने पुष्टि गर्दै उनको स्थानमा मार्को बिजोटलाई टिममा राखिएको जनाएको छ । सिलेसनलाई गत साता कोरोना पोजेटिभ देखिएको र उनी आइसोलेसनमा बसिरहेको संघले जनाएको छ । सिलेसन अन्तिम टिममा परेपछि कोरोना संम्रकमण भएर युरो गुमाउने पहिलो खेलाडी बनेका छन् ।
जुन ११ मा युरो सुरु हुनु अघि सम्म सहभागि राष्ट्रले कुनै खेलाडी घाइते भएमा वा कोभिड१९ भएमा परिवर्तन गर्न पाउने प्रावधान छ । नेदरल्याण्ड्सका प्रशिक्षक फ्रान्क डे बोएरले सिलेसनका लागि दु:खी भएपनि निर्णय लिनैपर्ने बताए ।
प्रशिक्षक बोएरले सिलेसन यस बारे मंगलबार बिहान जानकारी गराएको र टिममा राख्न नसकिकेन बताएका थिए ।
प्रतिक्रिया 4