३ असार, बुटवल । दाङमा एकजनाले बञ्चराले हानेर श्रीमतीको हत्या गरेका छन् ।
घोराही उपमहानगरपालिका वडा नं. ३ बेलुवा निवासी ५७ बर्षीय मुकुन्दलाल चौधरीले बञ्चरो प्रहार गरी ४६ वर्षीया श्रीमती स्याना कुमारी चौधरीको हत्या गरेका हुन् ।
जिल्ला प्रहरी कार्यालयका प्रवक्ता डिएसपी मुकुन्दप्रसाद रिजालका अनुसार सामान्य घरायसी विवादका कारण बुधबार बेलुका ६ बजेतिर मुकुन्दलालले श्रीमतीको टाउकोमा बन्चरो प्रहार गरेका थिए ।
बन्चरोले लागेर गम्भीर घाइते चौधरीको मेडिकल कलेज कोहलपुरमा उपचारका क्रममा बिहीवार दिउँसो मृत्यु भएको डिएसपी रिजालले जानकारी दिए।
प्रहरीले मृतकका श्रीमान् मुकुन्दलाललाई नियन्त्रणमा लिई अनुसन्धान थालेको रिजालले बताए ।
