१९ असार, गुल्मी । गुल्मी सदरमुकाम तम्घास नजिकै बगाले खोलामा झोलुंगे पुल निर्माण भएको छ । जिल्लाको रेसुङ्गा नगरपालिका– ७ र वडा नम्बर ९ जोड्ने गरी झोलुंगे पुल निर्माण भएको हो । झोलुंगे पुल बनेपछि स्थानीय वासिन्दा खुशी भएका छन् । हिजोआज पुल हेर्न र फोटो खिचाउन जानेहरुको संख्या बढेको छ ।
नगरपालिका कार्यालय र छिमेकी गाउँमा जान अब घुमाउरो बाटो हिँड्न नपर्ने स्थानीय भुने सुनारले बताए । ५० लाख ६६ हजार ७७ रुपैयाँको लागतमा बनेको उक्त पुलको ९२ प्रतिशत लागत रेसुंगा नगरपालिकाले ६ प्रतिशत उपभोक्ताको नगद सहयोग र २ प्रतिशत श्रमदानबाट बनेको हो ।
विद्युत चोक बगाले खोला भुजेल खर्क जोड्ने उक्त पुलको लम्बाई ११८ मिटर रहेको छ ।
