१९ साउन, काठमाडौं । गृहमन्त्री बालकृष्ण खाँणले दार्चुला घटनामा छानविन समितिको प्रतिवेदनअनुसार नै सरकारले अडान लिने बताएका छन् ।

प्रतिनिधिसभाको मंगलबार बसेको बैठकमा यो घटनाबारे जानकारी गराउने क्रममा उनले गृहमन्त्रालयका सहसचिवको नेतृत्वमा छानविन टोली खटाइसकेको बताए । यो टोलीले घटनास्थलमा पुगेर अध्ययन गर्नुका साथै जयसिंह धामीभन्दा अगाडि तुइन तरेर पारी पुगेकाहरु र पारी रहेकाहरुलाई भेटेर कुराकानी गर्ने बताए ।

गृहमन्त्री खाँणले अघि भने, ‘उहाँहरुलाई नै मूल आधार बनाएर प्रतिवेदन बन्छ । सत्यतथ्य पत्ता लगाएर जे ठहर गर्छ, त्यसमा सरकारले दृढतापूर्वक अडान लिन्छ ।’

यो पनि पढ्नुहोस दार्चुला घटनाबारे भारतसामु औपचारिक विरोध जनाउन एमालेको माग