२०७८ साउन २५ गते ९:२७ 
२५ साउन, काठमाडौं । स्पानिस क्लब रियल मड्रिड र इटालियन क्लब एसी मिलानले प्रिसिजन अन्तर्गत मैत्रीपूर्ण खेलमा गोलरहित बराबरी खेलेका छन् । डेभिड अलावाले रियल मड्रिडको लागि पहिलो खेल सुरुआत गर्दा रियलले बराबरी खेलेको हो ।
खेलमा रियलका गारेथ बेलले पेनाल्टी गुमाएका थिए ।
कार्लो एन्सेलोट्टीले बेलसँगै इस्को र लुका जोभिकलाई पनि पहिलो रोजाइमा खेलाएका थिए । यस्तै यसै सिजन अनुबन्ध भएका अलावाले पहिलो हाफ पूरै खेले र दोस्रो हाफमा उनलाई एडर मिलिटाओले रिप्लेस गरे ।
रियललका गोलका लागि ठूलो अवसर भने बनाउन सकेन ।
बेलले पेनाल्टी जितेपनि उनी आफैंले प्रहार गरेको बल एसी मिलानका गोलकिपर मिक मेइगनानले बचाए ।
रियल मड्रिडले समग्रमा राम्रो खेल प्रदर्शन गरे पनि गोलका लागि भने चुस्त देखिएन ।
प्रतिक्रिया 4