पोखरीमा डुबेर बारामा बालिकाको मृत्यु

१३ असोज, वीरगञ्ज । बारामा पोखरीमा डुबेर ६ वर्षीया बालिकाको मृत्यु भएको छ । सिम्रौनगढ नगरपालिका–१ ढाटटोलका जितन मुखियाकी ६ वर्षीया छोरी सुमन कुमारीको मृत्यु पोखरीमा डुबेर मृत्यु भएको हो ।

बुधबार साँझ साढे ५ बजेतिर आमा र अन्य महिलाको समूह जितिया पर्वमा नुहाउनका लागि स्थानीय हेमचन्द्र कलवारको पोखरीमा पसेका थिए । सोही क्रममा सुमन पोखरीमा डुबेकी थिइन् ।

पोखरीको पानी खाएर बेहोस भएकी उनलाई आमाले तत्कालै उपचारको लागि नगर अस्पताल सिम्रौनगढतर्फ लैजाने क्रममा बाटोमै मृत्यु भएको जिल्ला प्रहरी कार्यालय बाराका प्रवक्ता प्रहरी नायब उपरीक्षक गौतम मिश्रले जानकारी दिए ।