देउवाले टुंग्याए महामन्त्रीको उम्मेद्वार

२५ मंसिर, काठमाडौं । नेपाली काँग्रेसको संस्थापन समूहले महामन्त्रीको उम्मेद्वार टुंग्याएको छ । शेरबहादुर देउवा सभापति रहेको प्यानलबाट डा.प्रकाशशरण महत र प्रदीप पौडेल महामन्त्रीको उम्मेद्वार बन्ने भएका छन् ।

१२औं महाधिवेशनपछि महत सहमहामन्त्री मनोनित भएका थिए । पौडेल नेवि संघका पूर्वसभापति हुन् । देउवा र पूर्वमहामन्त्री कृष्णप्रसाद सिटौला बीच तालमेल हुँदा पौडेल महामन्त्रीका उम्मेद्वार बनेका छन् ।

महत र पौडेल महामन्त्रीको उम्मेद्वार बनेपछि ज्ञानेन्द्रबहादुर कार्की र रमेश लेखकले केन्द्रीय सदस्यमा उम्मेद्वारी दिएका छन् ।