एसियन सेन्ट्रल जोन महिला भलिबलको उपाधि जित्‍ने टोलीलाई प्रधानमन्त्रीको बधाई

१३ पुस, काठमाडौं। लगातार दोस्रो पटक एसियन सेन्ट्रल जोन महिला भलिबलको उपाधि जित्ने नेपाली राष्ट्रिय महिला टोलीलाई प्रधानमन्त्री शेरबहादुर देउवाले बधाई दिएका छन् ।

मंगलबार सामाजिक सञ्जालमार्फत प्रधानमन्त्री देउवाले नेपाली राष्ट्रिय महिला टोलीलाई बधाई दिएका हुन् ।

बंगलादेशमा मंगलबार भएको फाइनलमा नेपालले उज्वेकिस्तानलाई हराएर उपाधि रक्षा गरेको हो ।

रोमाञ्चक फाइनलमा नेपालले उज्वेकिस्तानलाई ३-२ को सेटमा पराजित गरेको थियो । नेपालले कूल ६ खेल खेल्दा अपराजित रहँदै च्याम्पियन बनेको हो ।

यस्तै युवा तथा खेलकुदमन्त्री महेश्वरजंग गहतराज अथकले पनि च्याम्पियन टोलीलाई बधाई दिएका छन् । नेपालको पुरुष टोली भने तेस्रो स्थानको लागि भएको खेलमा उज्वेकिस्तानसँग सोझो सेटमा हार्दै चौथो भयो ।