२९ पुस, काठमाडौं । शहीद स्मारक ए डिभिजन लिग खेलिरहेको च्यासल युथ क्लबका दुई खेलाडीलाई कोरोना संक्रमण भएकाे छ ।
च्यासलका डिफेन्डर कमल श्रेष्ठ र गोलरक्षक प्रदीप भण्डारीलाई कोरोना संक्रमण पुष्टि भएकाे बिहीबार भएकाे प्रि म्याच कन्फ्रेन्समा च्यासलका सहायक प्रशिक्षक आशिक थापा मगरले बताए । ‘कोरोना परिक्षण गर्दा दुई जनामा पाेजिटिभ देखियाे । दुवैले आगामी खेल गुमाउनेछन्,’ प्रशिक्षक मगरले भने ।
कमल र प्रदीप दुवैलाई कोरोना पोजेटिभ देखिएपछि उनीहरूले लिगका खेलहरू गुमाउने भएका हुन् । लिगमा आठ चरणको खेलको समाप्तिमा च्यासल रेलिगेशन जाेनमा छ । च्यनसले ८ खेलबाट जम्मा ५ अंकसहित १३औं स्थानमा छ ।
यस्तै, जावलाखेलका प्रशिक्षक किशोर केसीले रुघाखोकी कारण बिहीबार १४ खेलाडी मात्र प्रशिक्षणमा उपस्थित भएकाे बताए ।
लिगको नवौं चरण शुक्रबारदेखि सुरू हुँदैछ । च्यासलले आईतबार नेपाल पुलिस क्लबसँग खेल्नेछ ।
प्रतिक्रिया 4