२४ माघ, काठमाडौं । मार्को एसेन्सियोले दोस्रो हाफमा गरेको एक मात्र गोलको मद्दतमा स्पानिस ला लिगाको शीर्ष स्थानको रियल मड्रिडले आइतबार भएको खेलमा ग्रानाडालाई १-० ले पराजित गरेको छ।
घरेलु मैदानमा रियललाई जिताउन दिलाउन एसेन्सियोले खेलको ७४औं मिनेटमा गोल गरेका थिए । उनले एडर मिलिटाओको पासमा गोल गरे।
पहिलो हाफमा ग्रानडाले रियललाई गोलरहित बराबरीमा रोके पनि एसेन्सियोको गोलमा रियलले ३ अंक जोड्यो ।
जितपछि लिग लिडर रियलले २३ खेलबाट ५३ अंक जोडेको छ ।
रियलले दोस्रो स्थानको सेभियामाथि ६ अंकको अग्रतासमेत बनाएको छ । ग्रानाडा २४ अंकसहित १६औं स्थानमा छ ।
यस्तै ला लिगाकै अर्को खेलमा भियारियालले तेस्रो स्थानको रियल बेटिसलाई २-० ले पराजित गरेको छ ।
भियारियाल २३ खेलबाट ३५ अंक जोड्दै छैटौं स्थानमा उक्लेको छ । समान खेलबाट ४० अंक रहेको रियल बेटिस तेस्रो स्थानमै यथावत छ ।
प्रतिक्रिया 4