काठमाडौं । प्रिमियर लिगमा म्यानचेस्टर युनाइटेड एक गोलको अग्रता जोगाउन नसक्दा बराबरीमा रोकिएको छ ।
मंगलबार राति भएको खेलमा अंक तालिकाको पुछारमा रहेको बर्नलीसँग युनाइटेड १-१ गोलको बराबरीमा रोकिएको हो ।
बर्नलीको मैदानमा भएको खेलको १२औं मिनेटमै युनाइटेडका राफेल भारनले गोल गरे पनि भिएआरले मान्यता दिएन ।
१८ औं मिनेटमा पाउल पोग्बाले गोल गर्दै युनाइटेडलाई अग्रता दिलाएका थिए । पहिलो हाफको अग्रता युनाइटेडले दोस्रो हाफमा कायम राख्न सकेन । ४७ औं मिनेटमा जे रोड्रिगेजले बर्नलीका लगि बराबरी गोल फर्काए ।
यस बराबरीपछि युनाइटेड २३ खेलबाट ३९ अंक जोडेर पाँचौं स्थानमा छ । बर्नली १४ अंकसहित पुछारमै छ ।
अर्को खेलमा वाटफोर्डलाई १-० ले हराएर वेष्टह्याम चौथो स्थानमा उक्लेको छ । वेष्टह्यामको २४ खेलबाट ४० अंक छ ।
अर्को खेलमा न्युकासलले एभर्टनलाई ३-१ ले हराएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4