२०७८ चैत २९ गते १८:०४ 
२९ चैत, काठमाडौं । युरोपियन च्याम्पियन्स लिग अन्तर्गत क्वाटरफाइनल दोस्रो लेगमा मंगलबार राती चेल्सीले रियल मड्रिडसँग खेल्दैछ ।
पहिलो लेगमा घरेलु मैदानमै ३-१ ले पराजित भएको चेल्सी दोस्रो लेगमा लागि मड्रिड भ्रमण गर्दैछ । यी दुईबीचको खेल रियलको घरेलु मैदान सान्टियागो बर्नाबेउमा हुनेछ ।
रियलसँगको खेलअघि चेल्सीका प्रशिक्षक थोमक टुचेलले घर बाहिर प्रदर्शन गर्नु सबैभन्दा ठूलो चुनौती रहेको बताएका छन् । तर उनले फुटबलमा सबै कुरा सम्भव भएको समेत प्रतिक्रिया दिए ।
‘घर बाहिर बर्नाबेउमा प्रदर्शन गर्नु सबैभन्दा ठूलो चुनौती मध्ये एक हो ।’ जर्मन प्रशिक्षक टुचेलले भने, ‘यदि तपाइँ एक निश्चित नतिजा ल्याउन चाहनुहुन्छ भने यो अझ गाह्रो छ, यदि तपाईँ कम्तिमा दुई गोल वा अझ बढी वा हुनसक्छ तीन गोलको भिन्नतासँग जित्न आवश्यक छ । यसले लगभग असम्भव र धेरै, धेरै गाह्रो बनाउँछ, तर अझै पनि यो प्रयास गर्न लायक छ ।’
टुचेलले यस पटक शानदार स्कृप्ट आवश्यक रहेको बताएका छन् । ‘हामीलाई एउटा उत्कृष्ट स्क्रिप्ट बाहेक अरू केहि चाहिँदैन जुन हामी यसलाई पार गर्न सक्षम हुन चाहन्छौं ।’
पहिलो लेगमा घरमै ३-१ ले पराजित भएपछि साविक विजेता चेल्सीलाई रियल विरुद्ध खेल जित्दै सेमिफाइनल पुग्न कम्तीमा ३ गोल अन्तरको जित आवश्यक छ ।
गत सिजन चेल्सीले रियललाई सेमिफाइनलमा पराजित गर्दै फाइनल प्रवेश गरेको थियो । रियलले अहिलेसम्म कीर्तिमानी १३ पटक च्याम्पियन्स लिग जितेको छ ।
चेल्सीका प्रशिक्षक टुचेलले खेलकव अवस्था र परिस्थितीले गर्दा चुनौती ठूलो रहेको स्वीकारेका छन् । ‘यो कार्य अविश्वसनीय रूपमा उच्च छ र पहिलो लेगको परिस्थिति, हामी कहाँ खेल्छौं, हामी कोसँग खेल्छौं र हामी यस प्रकारको खेल कुन चरणमा खेल्छौं भन्ने कुराले गर्दा चुनौती अविश्वसनीय रूपमा उच्च छ,” टुचेलले थपे ।
‘कहिलेकाँही चीजहरूको कल्पना गर्नु र यसको बारेमा सपना देख्नु महत्त्वपूर्ण हुन्छ, तर हामी तयार हुन आवश्यक छ भन्ने तथ्यबाट ध्यान हटाउँदैन ।’
टुचेलले आफ्नोतर्फबाट सक्दो प्रयास गर्ने र आफ्नो सपना पूरा गर्न सक्छौं भन्ने विश्वास रहेको पनि बताए । उनले यथार्थमा खेलमा उच्च स्तरको प्रदर्शन गर्नुपर्ने बताए ।
प्रतिक्रिया 4