१५ वैशाख, काठमाडौं । नेपाल पौडी संघले यही वैशाख २२ र २३ गते २४औं खुल्ला तथा उमेर समूह पौडी प्रतियोगिता आयोजना गर्दैछ ।
हंगेरीमा हुने १९ औ विश्व पौडी प्रतियोगिता, नवौं राष्ट्रिय खेलकुद प्रतियोगिता पोखरा र चीनमा हुने एसियन गेम्सलाई मध्यनजर गरेर आयोजना गर्न लागिएको संघले जनाएको छ ।
दुई दिने यस प्रतियोगिता १९ औं विश्व पौडी प्रतियोगिताको अन्तिम तथा एशियाली खेलको लागि पहिलो चरणको छनौट प्रतियोगिता समेत रहेको संघले जनाएको छ ।
अन्तर्राष्ट्रिय खेलकुद परिसर सातदोबाटोमा हुने प्रतियोगितामा कुल २३ विधा समावेश रहने छ ।
प्रतियोगितामा महिला र पुरुष गरि करिब १५० जना खेलाडीको सहभागिता हुने संघले जनाएको छ ।
प्रतियोगितामा राष्ट्रिय कीर्तिमान बनाउने खेलाडीले नगद १० हजार प्राप्त गर्ने संघका अध्यक्ष अशोक बज्राचार्यले जानकारी गराए ।
प्रतियोगितामा ५ राष्ट्रिय कीर्तिमान बन्ने लक्ष्य रहेको संघले जनाएको छ । प्रतियोगिताको अनुमानिता लागत ६ लाख रहेको संघले जनाएको छ ।
प्रतिक्रिया 4