खोटाङको साकेला गाउँपालिका अध्यक्षमा कांग्रेसका राई विजयी

२ जेठ, खोटाङ । खोटाङको साकेला गाउँपालिकाको अध्यक्षमा नेपाली कांग्रेसका रविप्रकाश राई विजयी भएका छन् । निवर्तमान अध्यक्ष अर्जुनकुमार खड्कालाई पछि पार्दै राई विजयी भएका हुन् ।

राईले १ हजार ८५० मत ल्याउँदा नेकपा माओवादी केन्द्रका खड्काले १ हजार ७७२ मत ल्याएका छन् ।

उपाध्यक्षमा भने माओवादी केन्द्रका बिर्सिका राईले जितिन् । बिर्सिकाले २ हजार १२ मत ल्याउँदा कांग्रेसकी सरिता खड्काले १ हजार २२४ मत पाइन् ।