सुन चाँदीको भाउ घट्यो 

१२ जेठ, काठमाडौं । बिहीबार सुन र चाँदीको मूल्य घटेको नेपाल सुन चाँदी व्यवसायी महासंघले जनाएको छ । सुनको मूल्य तोलामा ४ सय रुपैयाँले घटेको छ भने चाँदीको मूल्य तोलामा पाँच रुपैयाँले घटेको छ ।

बिहीबार छापावाल सुनको मूल्य ९७ हजार ८ सय रुपैयाँ तोकिएको छ भने तेजावी सुनको मूल्य ९७ हजार ३ सय रुपैयाँ कायम भएको छ । यस्तै चाँदीको मूल्य १ हजार २७० रुपैयाँ कायम भएको छ ।

बुधबार ९८ हजार २ सय रुपैयाँमा छापावाल र ९७ हजार ७ सय रुपैयाँमा तेजावी सुन तथा १ हजार २७५ रुपैयाँमा चाँदीको खरिद बिक्री भएको थियो ।