+
+

मिरुना प्रकरणबाट पाठ : स्वस्तिमालाई बडिगार्ड !

अनलाइनखबर अनलाइनखबर
२०७९ असार ३ गते १३:२४
तस्वीर : रमाइलो छ डटकमबाट

काठमाडौं । अभिनेत्री मिरुना मगर र फुर्वा तामाङ प्रकरण अहिलेसम्म सेलाउन पाएको छैन । विवाद चर्किंदै जाँदा भारतको सिक्किममा फिल्मलाई प्रतिबन्ध लगाइएको छ भने जिल्ला प्रशासन कार्यालय काठमाडौंमा मुद्दा कायमै छ ।

‘कबड्डी ४’ फिल्मको हल दौडाहामा पुगेको बेला सिभिल मलमा फुर्वाले मिरुनालाई दुर्व्यवहार गरेको भन्दै विवाद उत्पन्न भएको थियो । अंगरक्षक नहुँदा उक्त घटना हुन नपुगेको कतिपयले विश्लेषण गरे । निर्माताले पनि बडिगार्ड राखेको भए हुने भन्दै महसुस गरे ।

गत महिना भएको उक्त घटनाको विवाद सेलाउन नपाउँदै शुक्रबार रिलिज भएको नयाँ फिल्म ‘चिसो मान्छे’ले भने मिरुना मगर प्रकरणबाट सतर्क हुँदै अभिनेत्री स्वस्तिमा खड्कालाई बडिगार्डको व्यवस्था गरेको छ ।

फिल्मको हल ‘भिजिट’मा स्वस्तिमा र अर्पण थापाको दायाँबायाँ दुईजना बडिगार्ड पनि कुदिरहेका छन् । वान सिनेमाज् र बिग मुभिजमा बिहान पुगेकी स्वस्तिमाका लागि बडिगार्डले भीड नियन्त्रणको प्रयास गरिरहेका थिए ।

निर्मात्री शर्मिला पाण्डेका अनुसार कलाकारको सुरक्षाको लागि हल भ्रमणभर ती बडिगार्ड सँगै रहनेछन् ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?