+
+

‘स्ट्रेन्जर थिङ्स ४’मा दर्शकको चाप बढेपछि नेटफ्लिक्स डाउन

अनलाइनखबर अनलाइनखबर
२०७९ असार १९ गते १७:१४

काठमाडौं । बहुप्रतीक्षित सिरिज ‘स्ट्रेन्जर थिङ्स ४’का दुईवटा अन्तिम भाग रिलिज भएलगत्तै नेटफ्लिक्सको सर्भर डाउन भएको छ ।

वेब पोर्टलबारे जानकारी दिने डाउन डिटेक्टर डटकमका अनुसार उक्त सिरिजका दुई एपिसोड लाइभ भएलगत्तै शुक्रबार केही समयका लागि नेटफ्लिक्स नै क्र्यास भएको हो ।

एकछिनमै १३ हजार भन्दा बढी गुनासो आएपछि नेटफ्लिक्सले यो समस्या आधा घण्टाभित्रै समाधान गरेको थियो ।

रिलिजको चार सातामै नेटफ्लिक्सले सबैभन्दा बढी हेरिने अंग्रेजी सिरिजको कीर्तिमान राखेको छ । सिजन ४ का दुईवटा एपिसोडको लम्बाइ नै झण्डै चार घण्टा छ । आठौं एपिसोड नै ८५ मिनेट लामो छ । नवौं एपिसोड डेढ सय मिनेट छ ।

उच्च मागका कारण अन्य स्ट्रिमिङ प्लेटफर्मले पनि संघर्ष गर्नुपरेको छ । फिनाले अफ युफोरिया सिजन २’का कारण एचबीओले पनि यस्तै समस्या खेप्नुपरेको थियो ।

सामाजिक सञ्जालमा दर्शकको व्यापक गुनासोपछि नेटफ्लिक्सले प्राविधिक समस्या समाधान भएको जनाएको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?