+
+

तीनकुनेको कल सेन्टरमा ६ महिना अघि पनि पुगेको थियो प्रहरी

अनलाइनखबर अनलाइनखबर
२०७९ साउन ९ गते १६:११

९ साउन, काठमाडौं । तीनकुनेको गैह्रिगाउँमा चिनियाँ नागरिकले चलाएको कल सेन्टरमा सोमबार प्रहरी टोलीले छापा हान्यो । व्यवसायी सुरज वैद्यको घर भाडामा लिएर उनीहरुले कल सेन्टर चलाइरहेका थिए ।

तर प्रहरी टोली यो घरमा पुगेको पहिलो पटक भने होइन । स्रोतका अनुसार ६ महिनाअघि कलसेन्टरमा काम गर्ने सञ्चालक र कर्मचारीबीच विवाद भएको थियो ।

‘सञ्चालकको खातामा जानुपर्ने पैसा सिधै कर्मचारीको मोबाइलमा पुगेपछि सबैको मोबाइल जफत गरेछन्’, काठमाडौं प्रहरीका एक अधिकृत भन्छन्, ‘मोबाइल सञ्चालकले खोसेपछि कर्मचारी र सञ्चालनबीच झगडा भयो ।’ विवाद बढेपछि प्रहरीलाई पनि त्यहाँ बोलाइएको थियो ।

तर प्रहरीले त्यसबेला छलफल गरेर छाडेको थियो । आइतबार चिनियाँ नागरिकले यहाँबाट साइबर अपराध गरिरहेको सूचना पाएपछि छापा हानेको थियो । त्यसक्रममा ७ जना महिला कर्मचारीहरुले प्रहरीको सर्च अपरेशनमा अवरोध गर्न खोजेका थिए । अवरोध गर्न खोज्नेलाई नियन्त्रणमा लिएर प्रहरी वृत्त, गौशालामा राखिएको छ ।

थप अनुसन्धान भइरहेको काठमाडौं प्रहरी प्रमुख एसएसपी भरत बोहोराले अनलाइनखबरलाई बताए । आइतबार प्रहरीले बुटवलमा चिनियाँ नागरिकले चलाएको कल सेन्टरमा छापा हानेको थियो ।

७ पुस २०७६ मा पनि प्रहरीले काठमाडौंका विभिन्न स्थानमा सर्च अपरेशन चलाएर १२२ जना चिनियाँ नागरिकलाई पक्राउ गरेको थियो ।

उनीहरुलाई अध्यागमन विभागले डिपोर्ट गरेपछि लिन चीनले चार्टर्ड जहाज नै पठाएको थियो । यो अपरेशनलाई नेपाल र विदेशी प्रहरीको हालसम्मकै सबैभन्दा ठूलो संयुक्त कारबाही मानिने गरेको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?