+
+

भारतको बिहारमा राजीनामा दिएकै दिन नितिशकुमारले पेश गरे सरकार बनाउने दाबी

अनलाइनखबर अनलाइनखबर
२०७९ साउन २४ गते १९:४२

२४ साउन, काठमाडौं । भारतको बिहार राज्यका मुख्यमन्त्री नितिश कुमारले राजीनामा दिएकै दिन सरकार बनाउने अर्को दाबी पेश गरेका छन् ।

यसअघि भारतीय जनता पार्टी भाजपाको समर्थनमा मुख्यमन्त्री रहेका उनले राजीनामापछि राष्ट्रिय जनता दल र स्वतन्त्र सांसदको समर्थनमा सरकार बनाउने दाबी पेश गरेका हुन् ।

जनता दल युनाइटेडका नेता नितिश कुमारले बिहारका राज्यपाल फागू चौहानलाई भेटेर दाबी पेश गरेका भारतीय सञ्चार माध्यमले जनाएका छन् ।

राज्यपालसँगको भेटपछि नितिश कुमारले भने,‘हामी उता थियौं, जोसँगको बाटो आज हामीले बन्द गरिदियौंँ, हामीले सात दलका १६४ र १ स्वतन्त्र सांसदको समर्थनमा दावा पेश गरेका छौं ।’

राज्यपालले सरकार बनाउन निम्तो दिएपछि आफूले सरकार बनाउने उनले बताए ।

नितिश कुमारले साथ छोडेपछि भाजपाले भने बिहारका जनता र २०२० को चुनावको जनादेशको अपमान भएको बताएको छ । २४३ सदस्यीय बिहारको विधानसभामा नितिशकुमारको जनता दल युनाइटेडले ४३ सिट जितेको भए पनि ७४ सिट जितेको भाजपाले उनलाई मुख्यमन्त्रीमा समर्थन गरेको थियो ।

नितिशलाई अहिले समर्थन गरेको राष्ट्रिय जनता दलले भने ७५ सिट जितेको छ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?