+
+

साफ महिला च्याम्पियनसिप र यू-१७ साफको तालिका परिमार्जनका लागि पर्खने

अनलाइनखबर अनलाइनखबर
२०७९ भदौ १ गते २०:११

१ भदौ, काठमाडौँ । फिफाले भारतीय फुटबल महासंघलाई निलम्बन गरेपछि त्यसको असर दक्षिण एसियाली स्तरमा विभिन्न फुटबल प्रतियोगितामा समेत परेको छ ।

निलम्बनको असर भदौ २१ देखि असोज ३ गतेसम्म नेपालमा साफ महिला च्याम्पियनसिप र भदौ अन्तिममा श्रीलंकामा साफ यू-१७ च्याम्पियन्सिपमा परेके छ । फिफाको निलम्बनपछि भारतले यी दुवै प्रतियोगितामा भाग लिन पाउने छैनन् ।

यद्यपी दक्षिण एसियाली फुटबल महासंघ साफ भने यी दुई प्रतियोगिताको खेलतालिका परिमार्जन गर्न अझै पर्खने भएको छ । बिहीबार बसेको साफ कार्यसमितिको भर्चुअल बैठकले दुई प्रतियोगिताको खेलतालिका परिमार्जन गर्नका लागि पर्खने निर्णय गरेको छ ।

फिफाको निलम्बन कायम रहिरहेको अवस्थामा हुने श्रीलंका हुने साफ यू-१७ को खेल तालिका परिमार्जन हुनेछ । ६ टिमले भाग लिने यस प्रतियोगितामा भारत सहभागी नहुने अवस्था आए राउण्ड रोविनको आधारमा खेल हुनेछ ।

नेपालमा हुने साफ महिला च्याम्पियनसिपमा भने भारत सहभागी नभए पनि समूह विभाजन उही रहनेछ । किनकी भारत रहेको समूहमा चार टिम छन् । यदी भारत सहभागी नभए उक्त समूहमा बंगलादेश, पाकिस्तान र माल्दिभ्स हुनेछन् । अर्को समूहमा नेपाल, भुटान र श्रीलंका छन् ।

साफको कार्यसमिति मिटिङमा अखिल नेपाल फुटबल संघका महासचिव र श्रीलंका पुटबल संघका अध्यक्षले प्रतियोगिताको तयारी बारे जानकारी गराएका थिए ।

साफ महासचिव अनवरल हकले भारतमाथि फिफाले लगाएको निलम्बनको विषयमा हुने विकासका लागि आउने मंगलबारसम्म पर्खने र त्यसपछि आउने निर्णपछि साफको प्रतियोगिताबारे अन्तिम निर्णय गर्ने अनलाइनखबरलाई जानकारी दिए ।

यसैगरी साफ कार्यसमिति बैठकले सन् २०२३ को प्रतियोगिताको क्यालेन्डर पनि स्वीकृत गरेको छ ।

Results

२०८० माघ १८, बिहीबार
2 - 1
२०८० माघ १७, बुधबार
1 - 0
२०८० माघ १६, मंगलबार
1 - 0
२०८० माघ १५, सोमबार
1 - 1
२०८० माघ १४, आइतबार
0 - 3
२०८० माघ १३, शनिबार
0 - 2
२०८० माघ १२, शुक्रबार
2 - 0
२०८० माघ ११, बिहीबार
0 - 1
२०८० माघ १०, बुधबार
0 - 1
२०८० माघ ९, मंगलबार
1 - 2
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?