+
+

मंसिर पहिलो साता भेट्रान टेबल टेनिस प्रतियोगिता हुने

अनलाइनखबर अनलाइनखबर
२०७९ असोज १२ गते १९:२२

१२ असोज, काठमाडौं । दोस्रो नेपाल एपीएम अन्तर्राष्ट्रिय भेट्रान टेबल टेनिस प्रतियोगिता मंसिर पहिलो साता हुने भएको छ ।

नेपाल टेबल टेनिस संघको तत्वाधानमा नेपाल एपीएम प्रालिको आयोजनामा हुने प्रतियोगिता मंसिर १ देखि ३ गतेसम्म हुने आयोजक नेपाल एपीएम प्रालिले बुधबार पत्रकार सम्मेलनमार्फत जानकारी गराएको हो ।

प्रतियोगिता भैसेपाटीस्थित नेपाल एपीएम क्लबमा हुनेछ । प्रतियोगितामा अन्तर्राष्ट्रिय खेलाडीको समेत सहभागिता रहने आयोजकले जनाएको छ ।

प्रतियोगितामा पुरुष भेट्रान्स सिंगल (४० वर्षमाथि, ५० वर्षमाथि र ६० वर्षमाथि) पुरुष भेट्रान्स टिम र महिला भेट्रान्स सिंगल (४० वर्ष माथि) गरी पाँच विधामा प्रतिस्पर्धा हुनेछ ।

सबै विधाका विजेताले नगद ५० हजार रुपैयाँ पाउनेछन् भने उपविजेताले समान २० हजार रुपैयाँ पाउनेछन् । यस्तै सेमिफाइनलसम्म पुग्नेले १० हजार रुपैयाँ पाउनेछन् ।

प्रतियोगितका सञ्चालनका लागि १२ लाख ५० हजार खर्च हुने आयोजकले अनुमान गरेको छ ।

प्रतियोगिताको लागि सिओम नेपालले मुख्य प्रायोजन गरेको छ । प्रायोजकले अनुमानित लागत रकमको ४० प्रतिशत (५ लाख रुपैयाँ) आयोजकलाई प्रदान गर्नेछ ।

यो खबर पढेर तपाईलाई कस्तो महसुस भयो ?

Khusi
                                chhu

खुसी

Dukhi
                                chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?