बाह्रखरी कथा प्रतियोगिताको विजेता बने नवीन अभिलाषी

काठमाडौं । यस वर्षको बाह्रखरी कथा प्रतियोगितामा नवीन अभिलाषीले प्रथम स्थान प्राप्त गरेका छन् ।

बाह्रखरी मिडियाले हरेक आयोजना गर्दै आएको प्रतियोगितामा प्रथम भएसँगै अभिलाषीले एक लाख रुपैयाँ पुरस्कार प्राप्त गरेका छन् ।

यसैगरी प्रतियोगितामा दोस्रो हुनेले ६० हजार र तेस्रो हुनेले ४० हजार रुपैयाँ प्राप्त गरे । बाह्रखरीले २०७६ सालदेखि हरेक वर्ष कथा प्रतियोगिता आयोजना गर्दै आएको छ ।

बाह्रखरीले प्रतियोगिताका विजेतासहित २५ जना कथाकारका उत्कृष्ट कथा समावेश गरेर पुस्तक समेत प्रकाशन गर्दै आएको छ । कथा संग्रह यस वर्ष फाइन प्रिन्टसँग सहकार्य गरेर निकालिएक हो ।