धरानमा कुटपिटबाट ज्यान गुमाउने उषा राईको न्यायका लागि प्रधानमन्त्रीलाई ज्ञापन पत्र

२० मंसिर, रोल्पा । धरानमा कुटपिटबाट ज्यान गुमाएकी धनकुटाकी उषा राईको न्यायको माग गर्दै रोल्पाका एकल महिलाले प्रधानमन्त्रीलाई ज्ञापन पत्र वुझाएका छन ।

मानव अधिकारका लागि महिला एकल महिला समूह रोल्पाको आयोजनामा प्रमुख जिल्ला अधिकारी मार्फत रोल्पाका एकल महिलाहरुले प्रधानमन्त्रीलाई ज्ञापन पत्र वुझाएका हुन ।

मानव अधिकारका लागि महिला एकल महिला समूह रोल्पाका अध्यक्ष तुलसा आचार्यले रोल्पाका प्रमुख जिल्ला अधिकारी नवराज सापकोटा मार्फत प्रधानमन्त्रीलाई ज्ञापन पत्र वुझाएकी हुन् ।

गत मंसिर ३ गते कुटपिटमा परेकी राईको उपचारका क्रममा मंसिर १४ गते ज्यान गएको थियो । धरानमा सिलाइ कटाइ गरि जीविकोपार्जन गर्दै आएकी एकल महिला राईमाथि महिलाहरुको एउटा समूहले कुटपिट गरेको थियो । ज्ञापनपत्रमा कुटपिटमा संलग्नहरुलाई कडा कारबाही गर्न माग गरिएको छ ।

यो पनि पढ्नुहोस

धरानमा कुटपिटपछि मृत्यु भएकी एकल महिलाको पक्षमा नाराबाजी