गाउँपालिका महासंघको अध्यक्षमा कांग्रेसकी पाण्डे निर्वाचित

लक्ष्मी पाण्डे र खिमबहादुर थापा

२७ मंसिर, काठमाडौं । गाउँपालिका राष्ट्रिय महासंघको अध्यक्षमा लक्ष्मी पाण्डे निर्वाचित भएकी छिन् । पाण्डे नवलपुरको हुप्सेकोट गाउँपालिकाकी अध्यक्ष हुन् ।

काठमाडौंमा मंगलबार सम्पन्न महासंघको तेस्रो महाधिवेशनबाट पाण्डे ५ वर्षे कार्यकालको लागि अध्यक्षमा सर्वसम्मत चयन भएकी हुन् । नयाँ नेतृत्वका लागि राजनीतिक दलहरुले भागबन्डा गरेका थिए ।

स्थानीय तहमा सबैभन्दा धेरै पालिका जितेको नेपाली कांग्रेसले महासंघको अध्यक्षमा पाण्डेलाई पठाएको थियो । यस्तै उपाध्यक्ष कांग्रेसको कोटाबाट जुम्लाको हिमा गाउँपालिकाका अध्यक्ष लक्ष्मणबहादुर शाही चयन भएका हुन् ।

त्यस्तै नेकपा एमालले महासचिव, सचिव र ७ जना सदस्य पाएको छ । महासचिवमा एमालेको तर्फबाट स्याङ्जाको कालीगण्डकी गाउँपालिकाका अध्यक्ष खिमबहादुर थापा चयन भएका हुन् । त्यस्तै सचिवमा सिन्धुलीको फिक्कल गाउँपालिकाकी अध्यक्ष पार्वती सुनुवार निर्वाचित भएकी छन् । कोषाध्यक्षमा नेकपा माओवादी केन्द्रको तर्फबाट अजयमेरु गाउँपालिकाका अध्यक्ष उमेश भट्ट चयन भएका छन् ।

पदाधिकारी सहित ३६ सदस्ययी महासंघको कार्यसमिति चयन भएको छ । जसमा गाउँपालिकाका अध्यक्ष २७ जना छन् भने ९ जना गाउँपालिकाका उपाध्यक्ष र एक जना वडा सदस्य कार्यसमितिमा आएका छन् ।

गत ३० वैशाखमा भएको स्थानीय तह निर्वाचनबाट जनप्रतिनिधि निर्वाचित भएपछि महाअधिवेशन भएको हो । महाधिवेशन पछि नयाँ कार्यसमिति सहित महासंघले घोषणा पत्र सार्वजनिक गर्ने तयारी गरेको छ ।

हेर्नुहोस् नयाँ कार्यसमितिको सूचीः

अध्यक्ष : लक्ष्मी पाण्डे, हुप्सेकोट गाउँपालिका

उपाध्यक्ष : लक्ष्मणबहादुर शाही, हिमा गाउँपालिका

महासचिव : खिमबहादुर थापा, कालीगण्डकी गाउँपालिका

सचिव : पार्वती सुनुवार, फिक्कल गाउँपालिका

कोषाध्यक्ष : उमेश भट्ट, अजयमेरु गाउँपालिका

सदस्यहरु:

इन्द्रबहादुर कार्की, गन्यापधुरा गाउँपालिका अध्यक्ष

लोकबहादुर मोक्तान, कैलाश गाउँपालिका अध्यक्ष

गोविन्दप्रसाद थपलिया, शिवपुरी गाउँपालिका अध्यक्ष

सितामाया गुरुङ, नेत्रावती डबजोङ गाउँपालिका उपाध्यक्ष

रिता देवकोटा, सिरानचोक गाउँपालिका उपाध्यक्ष