राष्ट्रिय महिला टिमको सहायक प्रशिक्षकमा चौधरी

२७ माघ, काठमाडौं । राष्ट्रिय महिला फुटबल टिमको सहायक प्रशिक्षकमा पारस चौधरी नियुक्त भएका छन् ।

अखिल नेपाल फुटबल संघ एन्फाले भारतसँगको मैत्रीपूर्ण खेलका लागि चौधरीलाई सहायक प्रशिक्षकको जिम्मेवारी दिएको हो ।

उनलाई अखिल नेपाल फुटबल संघ (एन्फा) का महासचिव किरण राईले नियुक्ति पत्र प्रदान गरेका छन् ।

एन्फाले मैत्रीपूर्ण खेलका लागि राष्ट्रिय महिला टिमको प्रमुख प्रशिक्षकमा अनन्त थापालाई यसअघि नै नियुक्त गरिसकेको थियो ।

नेपालले फेब्रुअरी १३ देखि २५ भित्रमा भारतसँग मैत्रीपूर्ण खेल खेल्ने तयारी छ ।

यो पनि पढ्नुहोस

भारतसँगको मैत्रीपूर्ण खेलका लागि बन्द प्रशिक्षणमा ४३ खेलाडी बोलाइयो