एमएडब्ल्यू ग्रुप र सेरेस समूहबीच सम्झौता

काठमाडौं । नेपालको दोस्रो ठूलो अटो ग्रुप एमएडब्ल्यू समूह र चीनको सबैभन्दा ठूलो विद्युतीय सवारी (ईभी) उत्पादक कम्पनी सेरेस समूहबीच सम्झौता भएको छ ।

सम्झौतासँगै यी दुई कम्पनीले सेरेसका अत्याधुनिक इलेक्ट्रिक गाडी नेपाली बजारमा ल्याउन रणनीतिक साझेदारी घोषणा गरेका छन् । २०२३ को तेस्रो त्रैमासिकदेखि सेरेसले एमएडब्ल्यूको डिलरसीपहरूको विस्तृत नेटवर्क मार्फत नेपालमा ईभी एसयूभी, ईभी सेडान्स र ईभी मिनी ईभी सार्वजनिक गर्नेछ ।

सेरेस समूह युरोपेली बजारमा प्रवेश गर्ने चिनियाँ अटो कम्पनीहरूको पहिलो ब्याच हो । यसको लोकप्रिय डीएफएसके र सेरेस ब्रान्डहरूका लागि प्रसिद्ध छ। सेरेस समूह चीनको पहिलो कम्पनी हो जसले स्वतन्त्र रूपमा विश्वको अग्रणी थ्री-इलेक्ट्रिक कोर टेक्नोलोजीलाई नियन्त्रण गर्दछ र यो एक आन्तरिक अग्रणी वाहन निर्माता पनि हो जसले पूर्ण रूपमा बौद्धिक नेटवर्क जडान प्रणाली र इन्जिनियरिङ निर्माणलाई एकीकृत गर्दछ।

सेरेस समूहसँग मिलेर तिनीहरूको अत्याधुनिक ईभी नेपालमा ल्याउन पाउँदा आफूहरु हर्षित भएको एमएडब्ल्यू समूहका अध्यक्ष बिष्णुकुमार अग्रवालले बताए । आफ्ना ग्राहकहरूलाई नवीनतम र सबैभन्दा नवीन अटोमोटिभ उत्पादनहरू प्रदान गर्न समर्पित रहेको भन्दै उनले सेरेस ईभी यस मिसनका लागि उपयुक्त हुने विश्वास व्यक्त गरे । यो साझेदारीले नेपाली अटो बजारमा एमएडब्ल्यूलाई अझ बलियो बनाउन मद्दत गर्ने उनले बताए ।

सेरेस समूहका विदेशी आयात तथा निर्यात कर्पोरेसनका उपमहाप्रबन्धक झाउ लिगाङले एमएडब्ल्यू समूहसँग साझेदारीमा सेरेसका उत्पादनहरु नेपालमा ल्याउन पाउँदा खुसी लागेको बताए । सेरेसका गुणस्तरीय र कुशल ईभी नेपाली उपभोक्ताहरूले राम्रोसँग प्राप्त गर्ने र एमएडब्ल्यूसँग मिलेर नेपालमा ईभीको प्रयोगलाई अगाडि बढाउन तत्पर रहेको उनले बताए ।