आसिफ शेखले पूरा गरे एक दिवशीय क्रिकेटमा एक हजार रन

२५ फागुन, काठमाडौं । ब्याटर आसिफ शेखले एक दिवशीय क्रिकेटमा एक हजार रन पूरा गरेका छन् ।

आईसीसी क्रिकेट विश्वकप लिग टूमा पपुवा न्युगिनीविरुद्ध ९० रन बनाएसँगै उनले एक हजार रनको कोशेढुंगा पार गरेका हुन् ।

एक हजार रन पूरा गर्ने क्रममा उनले ३२ खेल खेलेका छन् । उनले ७ सेप्टेम्बर २०२१ मा पीएनजीविरुद्धको खेलबाटै एक दिवशीय अन्तराष्ट्रिय क्रिकेटमा डेब्यु गरेका थिए ।

यसअघि कप्तान रोहितकुमार पौडेलले पनि एक दिवशीय क्रिकेटमा एक हजार रन पूरा गरेका थिए ।