नक्कली भुटानी शरणार्थी बनाएर रकम ठगेको आरोपमा युवक पक्राउ

१६ चैत, काठमाडौं । भुटानी शरणार्थी बनाई अमेरिका लैजाने भन्‍दै रकम ठगी गरेको आरोपमा प्रहरीले एक जनालाई पक्राउ गरेको छ ।

पक्राउ पर्नेमा मोरङको पथरी शनिश्चरे नगरपालिका-१०  बस्‍ने ४० वर्षीय सागर राई रहेका छन् ।

उनलाई उपत्यका अपराध अनुसन्धान कार्यालयको विशेष टोलीले  बालकुमारी क्षेत्रबाट पक्राउ गरेको हो ।

पक्राउ परेका उनलाई  मुलुकी अपराध संहिताको दफा २४९ बमोजिमको (२)र (१)को कसूर अपराधमा आवश्‍यक अनुसन्धानका लागि जिल्ला प्रहरी परिसर टेकुमा पठाइएको प्रहरीले जनाएको छ ।