नेपाल डेन्टल एसोसिएशन धनुषाको अध्यक्षमा डा. यादव निर्वाचित

२२ साउन, जनकपुरधाम । नेपाल डेन्टल एसोसिएशन, धनुषा शाखाको अध्यक्षमा डा. निमु यादव निर्वाचित भएकी छन् ।

सोमबार भएको निर्वाचनमा उनी ४७ मत ल्याएर निर्वाचित भइन् भने प्रतिस्पर्धी डा. रामसरोज साहले केवल १ मत मात्र प्राप्त गरेको निर्वाचन अधिकृत डा. अशोक सिंहले जानकारी दिए ।

उनका अनुसार डेन्टल एसोसिएशन, धनुषा शाखामा ५६ जना मतदाता रहेकोमा ४८ जनाले मात्र मतदान गरेका थिए । समितिका अन्य पदाधिकारी निर्विरोध चयन भएका छन् ।

उपाध्यक्षमा डा. अनिशकुमार साह, सचिवमा डा. रामपदारथ यादव, कोषाध्यक्षमा डा. अमृता पाण्डे, सहसचिमा डा. जगदीप साह निर्वाचित भएको निर्वाचन समितिले जनाएको छ ।