नाटक ‘ट्रान्जिट’ थप दुई दिन मञ्चन हुने

काठमाडौं । बत्तीसपुतलीस्थित शिल्पी थिएटरमा मञ्चन भइरहेको लेखक कुमार नगरकोटीको नाटक ‘ट्रान्जिट’को समय दुई दिन थप गरिएको छ । एक महिना चलेको नाटक ट्रान्जिट आइतबार र सोमबार थप दुई दिन मञ्चन हुने भएको हो ।

निर्देशक घिमिरे युवराजले दर्शकको चापलाई ख्याल गर्दै दुई दिन समय थपिएको जानकारी दिए । शक्तिशाली संवाद, हास्यचेतना अनि काल–पर्यटनको त्रिवेणी बनेको नाटक ट्रान्जिट आइतबार र सोमबार साँझ साढे ५ बजे शिल्पीमा मञ्चन हुने उनले बताए ।

नाटकमा दिव्यदेव, शिल्पा मास्के, आकांक्षा कार्की, बास्ना तिमल्सिना लगायतले अभिनय गरेका छन् ।