ईःको समर्थनमा फुटपाथ व्यवसायीको प्रदर्शन

९ असोज, काठमाडौं । फुटपाथ व्यवसायीले अभियन्ता ईःको समर्थनमा राष्ट्रिय सभागृह अगाडि प्रदर्शन गरेका छन् ।

सयौंको संख्यामा भेला भएका फुटपाथ व्यवसायीले ईःको समर्थनमा मंगलबार प्रर्दशन गरेका हुन् ।

फुटपाथ व्यवसायी माथि महानगरपालिकाले क्रुरतापूर्ण व्यवहार गरेको, सडकका किनारामा व्यवसाय गर्ने साना व्यवसायीलाई लखेटेको लगायतको विरोधमा अभियन्ता ईः ८ दिनदेखि राष्ट्रिय सभागृह अगाडि उभिइरहेका छन् ।

प्रदर्शनमा सहभागी फुटपाथ व्यवसायीहरुले महानगरको विरोधमा नाराबाजी गरिरहेका छन् ।

‘गरिब मारा कामनपा, हामीलाई सास फेर्न पनि ठाउँ नदिएर के पाउँछौं ?’, गरिब होइन गरिबी हटाउ लगायतका नारा लेखिएको प्लेकार्ड बोकेर उनीहरुले प्रदर्शन् गरेका हुन् ।

यो पनि पढ्नुहोस

ईःलाई भेट्न पुगिन् उपमेयर डंगोल

यो पनि पढ्नुहोस

ईः सँगै उभिन पुगे कमल थापा र सुरेन्द्र पाण्डे

यो पनि पढ्नुहोस

ईः र काठमाडौं महानगरपालिकाबीच आज वार्ता हुँदै, बालेन नबस्ने